17. திருக்குர்ஆன் வசனமும் அது தொடர்பான ஹதீஸ்:

السلام عليكم ورحمة الله وبركاتة

بِسْمِ ٱللَّٰهِ ٱلرَّحْمَٰنِٱلرَّحِ يمِ

كُلًّا نُّمِدُّ هٰۤؤُلَآءِ وَهٰۤؤُلَآءِ مِنْ عَطَآءِ رَبِّكَ ؕ وَمَا كَانَ عَطَآءُ رَبِّكَ مَحْظُوْرًا ۟ 

இ(ம்மையை விரும்புப)வர்களுக்கும், (மறுமையை ஆசிக்கும்) மற்றவர்களுக்கும் உமது இறைவனா கிய நமது அருட்கொடையிலிருந்து நாமே உதவி செய்கிறோம்; உமது இறைவனின் அருட்கொடை (எவருக்கும்) தடுக்கப்பட்டதாக இல்லை. (அல்குர்ஆன் : 17:20)

இவ்வுலகை நாடுவோர் மற்றும் மறுமையை நாடு வோர் ஆகிய இவ்விரு பிரிவினரில் ஒவ்வொருவருக்கும், அவர்கள் நாடுவதை நாம் வழங்கு கிறோம்.

(உமது இறைவனின் கொடைகளிலிருந்து.) அதாவது, அவன் அனைத்தையும் ஆள்பவன்; அவன் ஒருபோதும் அநீதி இழைப்பவன் அல்லன். அது நிலையான மகிழ்ச்சியோ அல்லது அழிவோ, ஒவ்வொரு வருக்கும் அவரவர் தகுதிக்கு ஏற்ப அவன் வழங்குகிறான். அவனுடைய கட்டளையை எவராலும் தடுக்க முடியாது; அவன் கொடுப்பதை எவரும் தடுத்து நிறுத்தவோ, அவன் நாடுவதை மாற்றவோ முடியாது. அல்லாஹ் கூறுகிறான்: உமது இறைவனின் கொடைகள் ஒருபோதும் தடுக்கப் பட்டவை அல்ல. அதாவது, அவற்றை எவராலும் தடுத்து நிறுத்தவோ அல்லது தடுக்கவோ முடியாது

அவர்களில் சிலரைச் சிலரை விட நாம் எவ்வாறு மேன்மைப்படுத்தி யுள்ளோம் என்பதைப் பாரும், அதாவது இவ்வுலகில், சிலர் செல்வந்தர் களாகவும் சிலர் ஏழைகளாகவும், வேறு சிலர் இடைப்பட்ட நிலையிலும் இருக்கிறார்கள்; சிலர் அழகானவர் களாகவும் சிலர் அவ்வாறு இல்லாதவர் களாகவும், வேறு சிலர் இடைப்பட்ட நிலையிலும் இருக்கிறார் கள்; சிலர் இளமையிலேயே மரணிக்கிறார்கள், வேறு சிலர் முதிர்ந்த வயது வரை வாழ்கிறார்கள், இன்னும் சிலர் இடைப்பட்ட வயதில் மரணிக் கிறார்கள்.

நிச்சயமாக, மறுமை அந்தஸ்துகளில் மிகப் பெரியதாகவும், மேன்மையில் மிகச் சிறந்ததாக வும் இருக்கும். அதாவது, மறுமையில் அவர் களுக்கு இடையிலான வேறுபாடுகள் இவ்வுலகில் உள்ள வேறுபாடுகளை விட மிக அதிகமாக இருக்கும்.

சொர்க்கத்தில் பல படித்தரங்கள் உள்ளன. இரண்டு படித்தரங்களின் இடையில் உள்ள தொலைவு வானத்திற்கும் பூமிக்கும் இடைப்பட்ட தூரத்தைப் போன்றது. அபூ ஸயீத் அல்குத்ரீ (ரலி) அவர்கள் அறிவித்தார்கள்: நபி (ஸல்) அவர்கள் கூறினார்கள்: "நிச்சயமாக சொர்க்கவாசிகள், அடிவானத்தில் கிழக்கிலோ மேற்கிலோ தொலை வில் தெரியும் பிரகாசமான நட்சத்திரத்தைப் பார்ப்பதைப் போலவே, தங்களுக்கு மேலே உள்ள உயர்ந்த மாளிகைகளில் வசிப்பவர்களைப் பார்ப்பார்கள். அவர்களுக்கு இடையிலான (அந்தஸ்தின்) ஏற்றத்தாழ்வே இதற்குக் காரண மாகும்." (இதைக்கேட்ட) தோழர்கள், "அல்லாஹ் வின் தூதரே! அவை நபிமார்களின் தங்குமிடங் கள்; அவர்களைத் தவிர வேறு யாரும் அவற்றை அடைய முடியாது அல்லவா?" என்று கேட்டார் கள். அதற்கு நபி (ஸல்) அவர்கள், "அப்படியல்ல! (மாறாக, ஆம்!) என் உயிர் எவன் கைவசம் உள்ளதோ அவன் மீது சத்தியமாக! அல்லாஹ்வை ஈமான் கொண்டு, தூதர்களை உண்மைப் படுத்திய மனிதர்களுக்கானவையே அவை" என்று கூறினார்கள். [ஸஹீஹுல் புகாரி : 3256]

அல்லாஹ் கூறுகிறான்: மேலும் நிச்சயமாக, மறுமை என்பது தகுதிகளிலும் பதவி உயர்வு களிலும் உயர்ந்ததாக இருக்கும். 

الحمدلله