5. உங்களுக்கு தெரியுமா அல்லாஹீதாலா திருக்குர்ஆனில், எத்தனை உயிர்த்தெழும் சம்பவங்களை மேற்கோளாக காட்டியுள்ளார் என்று?

 السلام عليكم ورحمة الله وبركاتة 

بِسْمِ ٱللَّٰهِ ٱلرَّحْمَٰنِٱلرَّحِيمِ

அல்லாஹ் சுபஹானஹீதாலா அனுப்பிய எல்லா நபிமார்களின் சமுதாயங்களும் அவர்களின் நபியை பார்த்து கேட்ட கேள்வி: “நாங்கள் இறந்து, மண்ணாகவும் எலும்புகளாகவும் நாங்கள் ஆகிவிட்டாலும், மெய்யாகவே (நாங்கள் மீண்டும் உயிர்ப்பித்து) எழுப்பப்படுபவர்களா? (23:62, 37:16, 56:47) என்பது தான். அதற்கு அல்லாஹ் சுபஹானஹீதாலா “(கியாம நாளுக்குரிய) அவ்வேளை நிச்சயமாக வரும்; இதில் சந்தேகமே இல்லை; மண்ணறைகளில் இருப்போரை, நிச்சயமாக அல்லாஹ் (உயிர் கொடுத்து) எழுப்புவான். [22:7]. நிச்சயமாக உங்கள் அனைவரையும் இறுதிநாளில் அவன், ஒன்று சேர்ப்பான் - இதில் சந்தேகமில்லை; மேலும் அல்லாஹ்வைப் பார்க்கிலும் சொல்லில் உண்மையுடையோர் யார்?” [4:87] என்று திருக்குர்ஆனில் பல இடங்களில் ஆணித்தரமாக கூறியுள்ளான்.

உயிர்தெழுதலைப் பற்றி  திருக்குர்ஆனில் நிறைய வசனங்கள் இருந்தாலும், அல்லாஹீதாலா, மனித வரலாற்றில்  நடந்த சில உயிர்தெழுந்த சம்பவங்களை உதாரணமாக குறிப்பிட்டுள்ளான். அவை:

1. இப்ராஹீம் (அலை) அல்லாஹீதாலாவிடம் உயிர்த்தெழுதலை காண்பிக்கச் சொன்னார்:

இப்ராஹீம் (அலை) தன் இறைவனிடம் “என் இறைவா! இறந்தவர்களை நீ எவ்வாறு உயிர்ப்பிக்கிறாய் என்பதை எனக்குக் காண்பிப்பாயாக!” எனக் கோரியபோது, அல்லாஹ் கேட்டான்: “நீர் (இதை) நம்ப வில்லையா?” 

இப்ராஹீம் (அலை): “மெய்(யாக நம்புகிறேன்!) ஆனால் என் இதயம் அமைதிபெறும் பொருட்டே (இவ்வாறு கேட்கிறேன்)” என்று கூறினார்.

அல்லாஹ் கூறினான்: “(அப்படியாயின்,) பறவைகளிலிருந்து நான்கைப் பிடித்து, (அவை உம்மிடம் திரும்பி வருமாறு) பழக்கிக்கொள்ளும்; பின்னர் (அவற்றை அறுத்து) அவற்றின் பாகத்தை ஒவ்வொரு மலையின் மீது வைத்து விடும்; பின், அவற்றைக் கூப்பிடும்; அவை உம்மிடம் வேகமாய்(ப் பறந்து) வரும்; நிச்சயமாக அல்லாஹ் மிகைத்தவன், பேரறிவாளன் என்பதை அறிந்து கொள்ளும்” என்று. (2:260),

இப்னு காதிரின் விளக்கம்: இப்ராஹீம் (அலை) நான்கு பறவைகளை தன் கூப்பிட்ட குரலுக்கு தன்னிடம் வருமாறு பழக்கினார். பின் அவற்றின் இறகுகளை நீக்கி அதனை பல பாகங்களாக வெட்டி, வெவ்வேறு பறவைகளின் பாகங்ளை  சேர்த்து, நான்கு/ஏழு பிரிவிகளாக்கி ஒவ்வொரு குன்றின் மீதும் அவற்றை வைத்தார். இப்னு அப்பாஸ் கூறினார்: "இப்ராஹீம் (அலை) அப்பறவைகளின் தலையை தன் கையில் வைத்துக் கொண்டார். அவற்றை அழைக்கும் படி அல்லாஹ், இப்ராஹீம் (அலை) மிற்கு கட்டளையிட்டார். அல்லாஹ்வின் கட்டளைக் கிணங்க, அவர் அவற்றை அழைத்தார். அப்படி அழைத்தவுடன் அபபறவை களின் இறகுகள், இரத்தம், அதன் எலும்புகளுடன் கூடிய மாமிச துண்டுகள் பறந்து வந்து அதன் அதனுடைய உடம்புகளோடு ஒன்று சேர்ந்து இப்ராஹீம் (அலை) முன் வந்து நின்றது ஈர்க்கக் கூடிய காட்சியாகவும், இறந்த அவை உயிர் பெற்று எழுந்ததற்கு சாட்சியாகவும் இருந்தது. ஒவ்வொரு பறவையும் தன் தலையை இப்ராஹீம் (அலை) மின் கைகளிலிருந்து பெற்றுக் கொண்டது. அவர் வேறு பறவையின் தலையை தந்த போது அதனை ஏற்க மறுத்தது. அவர் அதன் தலையை கொடுத்தவுடன் அதனுடைய உடம்போடு இணைந்து அல்லாஹ்வின் ஆற்றலால் உயிர் பெற்றது."

2. அல்லாஹீதாலா கொன்றவன் யார் என கண்டறிய, கொலையுண்ட வனை உயிர்த்தெழச் செய்தார்:

“நீங்கள் ஒரு மனிதனை கொன்றீர்கள்; பின் அதுபற்றி (ஒருவருக்கொருவர் குற்றம் சாட்டித்) தர்க்கித்துக் கொண்டிருந்தீர்கள்; ஆனால் அல்லாஹ் நீங்கள் மறைத்ததை வெளியாக்குபவனாக இருந்தான் (என்பதை நினைவு கூறுங்கள்). [2:72]

மூஸா (அலை) காலத்தில் பனி இஸ்ராயிலின் குலத்தவரில் ஒரு பெரிய பணக்காரர் கொல்லப்பட்டதை கண்டு, அவர்கள் ஒருவருக்கொருவர் குற்றம் சாட்டிக் கொண்டும், தர்க்கித்துக் கொண்டும் சண்டையிட்டனர். பின் மூஸா (அலை) மிடம் சென்று, இதைப் பற்றி கூறி, அவரிடம் உண்மையான கொலயாளி யார் என்று கண்டறியுமாறு கேட்டுக் கொண்டனர். அவர்களும் அவ்வாறே மூஸா (அலை) மிடம்  சென்று நடந்ததை எல்லாம் கூறி அவருடைய இறைவனிடம் கேட்டு அறிவிக்க கோரினர்.

இதை அல்லாஹ் திருக்குர்ஆனில் கூறியுள்ளான்: “மூஸா (அலை)  தம் சமூகத்தாரிடம், “நீங்கள் ஒரு பசுமாட்டை அறுக்க வேண்டும் என்று நிச்சயமாக அல்லாஹ் உங்களுக்குக் கட்டளையிடுகிறான்” என்றார். அப்போது அவர்கள் “(மூஸாவே!) எங்களை பரிகாசத்திற்கு ஆளாக்குகின்றீரா?” என்று கூறினர்; (அப்பொழுது) அவர், “(அப்படிப் பரிகசிக்கும்) அறிவீனர்களில் ஒருவனாக நான் ஆகிவிடாமல் அல்லாஹ்விடம் பாதுகாப்புத் தேடுகிறேன்” என்று கூறினார். (2:67).

மூஸா (அலை) முடைய காலத்து இஸ்ராயிலின் சந்ததிகள் மிகவும் பிடிவாதக்காரர்கள்,  எளிதாக கீழ்படிய மாட்டார்கள், எப்போதும் கேள்வி கேட்டுக் கொண்டே இருப்பார்கள். அவர்கள் அவர்களுடைய  நபி மீது அவநம்பிக்கை கொண்டவர்களாகவே இருந்தார்கள்.  “அந்த பசு எத்தகையது என்பதை எங்களுக்கு விளக்கும்படி உம் இறைவனிடம் எங்களுக்காக வேண்டுவீராக!” என்றார்கள். “அப்பசு மாடு அதிகக் கிழடுமல்ல, கன்றுமல்ல, அவ்விரண்டிற்கும் இடைப்பட்டதாகும். எனவே “உங்களுக்கு இடப்பட்ட கட்டளையை நிறைவேற்றுங்கள்“ என்று அவன் (அல்லாஹ்) கூறுவதாக” (மூஸா [அலை]) கூறினார். (2:68). அவர்கள் உடனேயே  அல்லாஹ்வின் அந்த கட்டளையை நிறைவேற்றி இருந்தார்களானால் காரியம் எளிதாக முடிந்திருக்கும்.

ஆனால் அவர்களோ, “அதன் நிறம் யாது!” என்பதை விளக்கும்படி நமக்காக உம் இறைவனை வேண்டுவீராக!”  கூறினார்கள்;  “திடமாக அது மஞ்சள் நிறமுள்ள பசு மாடு; கெட்டியான நிறம்; பார்ப்பவர்களுக்குப் பரவசம் அளிக்கும் அதன் நிறம் என அ(வ்விறை)வன் அருளினான்” என்று மூஸா கூறினார்.(2:69). அவர்கள் மேலும் கூறினார்கள், “உமது இறைவனிடத்தில் எங்களுக்காக பிரார்த்தனை செய்வீராக! அவன் அது எப்படிப் பட்டது என்பதை எங்களுக்கு தெளிவு படுத்துவான். எங்களுக்கு எல்லாப் பசுமாடுகளும் திடனாக ஒரே மாதிரியாகத் தோன்றுகின்றன; அல்லாஹ் நாடினால் நிச்சயமாக நாம் நேர்வழி பெறுவோம்” என்று அவர்கள் கூறினார்கள். (2:70).

மூஸா (அலை) கூறினார்,  “நிச்சயமாக அப்பசுமாடு நிலத்தில் உழவடித்தோ, நிலத்திற்கு நீர் பாய்ச்சவோ பயன்படுத்தப் படாதது; ஆரோக்கியமானது; எவ்விதத்திலும் வடுவில்லாதது என்று இறைவன் கூறுகிறான்” எனக் கூறினார். “இப்பொழுதுதான் நீர் சரியான விபரத்தைக் கொண்டு வந்தீர்” என்று சொல்லி அவர்கள் செய்ய இயலாத நிலையில் அப்பசு மாட்டை அறுத்தார்கள்.(2:71). “(அறுக்கப்பட்ட அப்பசுவின்) ஒரு துண்டால் அ(க்கொலையுண்டவனின் சடலத்)தில் அடியுங்கள்” என்று நாம் சொன்னோம். இவ்வாறே அல்லாஹ் இறந்தவர்களை உயிர்ப்பிக்கிறான்; நீங்கள் (நல்ல) அறிவு பெறும் பொருட்டுத் தன் அத்தாட்சிகளையும் அவன்(இவ்வாறு) உங்களுக்குக் காட்டுகிறான். [2:73].

அப்பசுவை அறுத்து அதன் ஒரு பாகத்தால் கொலயுண்ட அப்பணக்காரனின் சடலத்தில் அடிக்க, அவன் அல்லாஹ்வால் உயிர்ப்பிக்கப்பட்டு, தன்னை கொன்றவனை அடையாளம் காட்டி விட்டு,  மீண்டும் இறந்து போனான்.

3. அல்லாஹீதாலா எழுபது பனி இஸ்ராயீல் மக்களை மரணமடையச் செய்து பின் உயிர் கொடுத்து எழுப்பினான்:

இஸ்ராயிலின் சந்ததிகள் மூஸா (அலை) மூலமாக நிறைய அருள் வளங்களைப் பெற்றும், அவர் மீது அவர்கள் அவநம்பிக்கை கொண்டிருந்தனர். மூஸா (அலை) கூறினார்; " இந்த கற்பலகைகள் அல்லாஹ் அனுப்பிய வேதம். அதில் அல்லாஹ்வின் கட்டளைகளும், மனிதர்களுக்கு தடுக்கப்பட்வைகளும் உள்ளன." அவர்கள் கூறினார்கள்: " மூஸாவே! நீங்கள் சொல்வதால் நாங்கள் இதை நம்ப வேண்டுமா? அல்லாஹ்வின் மீது ஆணையாக இதை அல்லாஹ்வே எங்கள் முன்னிலையில் தோன்றி தன்னை காண்பித்து, 'இது நான் அருளிய வேதம்' என்று  கூறும் வரை அதை நாங்கள் நம்பமாட்டோம்.  அல்லாஹ் உங்களிடம் பேசுவது போல் எங்களிடம் ஏன் பேசுவதில்லை?" என்று கேட்டனர். அவர்கள் அல்லாஹ்வை நேரில் காண வேண்டும் என கூறிய போதே அவர்களை ஓர் இடி முழக்கம் பற்றிக் கொண்டது. (2:55). "அதனால் அவர்கள் மரணித்தார்கள்." அவர்கள் நன்றியுடையோராய் இருக்கும் பொருட்டு, அவர்கள் இறந்தபின் அவர்களை உயிர்ப்பித்து எழுப்பினோம்.(2:56) என்று அல்லாஹீதாலா கூறுகின்றான்.

அஸ்-ஸுத்தி கூறுகிறார்: “மூஸா (அலை) இஸ்ரவேலர்களை தனியே அழைத்துச் சென்று அவர்களை கொன்று விட்டீர் என கூறுவார்கள் என்ற பயத்தினால் அழுது இறைவனிடத்தில் வேண்டினார்: ‘என்னுடைய இறைவா!  இஸ்ராயிலின் சந்ததிகளுக்கு நான் என்ன பதில் கூறுவேன். அவர்களில் சிறந்தவர்களை  நீ மரணிக்க வைத்து விட்டாய்’ . இது உன் விருப்பமாய் இருந்திருந்தால் முதலிலே என்னையும் இவர்களையும்  அழித்திருக்கலாமே! சில அறிவீலீகள் செய்த விஷமச் செயலிற்காக எங்களை அழிக்கலாமா?" என்று. அல்லாஹ் அவருடைய பிரார்த்தனையை அங்கீகரித்து அவர்களை மீண்டும் உயிர் கொடுத்து எழுப்பினான்” என்று.

அந்த எழுபது பேரும் தங்கத்தினால் ஆன  காளைக் கன்றை  வணங்கியவர்கள் என்று கூறி அவர்களை ஒருவர் பின் ஒருவராக உயிர் கொடுத்து எழுப்பினான்.

4. அல்லாஹுதாலா, மரணத்திற்கு பயந்து வீட்டை விட்டு வெளியேறிய பல ஆயிரக்கணக்கானவர்கள் மீண்டும் உயிர்த்தெழ வைத்தார்:

(நபியே!) மரண பயத்தால் தம் வீடுகளைவிட்டும், ஆயிரக்கணக்கில் வெளியேறியவர்களை நீர் கவனிக்கவில்லையா? அல்லாஹ் அவர்களிடம் “இறந்து விடுங்கள்” என்று கூறினான்; மீண்டும் அவர்களை உயிர்ப்பித்தான்; நிச்சயமாக அல்லாஹ் மனிதர்கள் மீது பெரும் கருணையுடையவன்; ஆனால் மனிதர்களில் பெரும்பாலோர் நன்றி செலுத்துவதில்லை. [2:243].

இப்னு அபு ஹாத்திம், இப்னு அப்பாஸ் (ரஜி) கூறியதாக விளக்குகிறார்: ஈராக்கிலுள்ள தாவர்தன் என்ற கிராமத்திலிருந்து, 4000 பேர் ப்ளேக் என்ற உயிர்கொல்லி நோயிலிருந்து தப்பிக்க அந்த இடத்திலிருந்து ஓடி பாதுகாப்பான இடத்திற்கு சென்றனர். அல்லாஹ் அவர்களை "மரணம் அடையுங்கள்'' என்று கட்டளையிடவே  அவர்கள் யாவரும் ஒரே நேரத்தில் மரணமடைந்தனர். அந்த இடத்தை கடந்து சென்ற ஒரு நபி  அல்லாஹ்  سبحانه وتعالىٰ விடம் அவர்கள் உயிர்த்தெழ பிரார்த்தித்தார். இறைவனும் அவர் பிரார்த்தனையை ஏற்றுக்கொண்டு அவர்களை உயிர்த்தெழச் செய்தான்.

ஸலஃப் அறிஞர்கள்,  அல்லாஹ் குறிப்பட்ட அம் மக்கள் இஸ்ராயிலின் சந்ததியை சேர்ந்தவர்கள் என்றும் கூறுகின்றனர். அவர்கள் ப்ளேக் நோய்க்குப் பயந்து ஒரு பள்ளத்தாக்கிற்கு ஓடி சென்று பின், வளமாக வாழ்ந்தனர். ஆனால் சிறிது காலத்திற்கு பிறகு அவர்களின் நன்றி கெட்ட போக்கால் அல்லாஹ் سبحانه وتعالىٰ  அவர்களிடம் இருவானவர்களை அனுப்பினான். அவர்களில் ஒருவர் மலை மேலிருந்தும் மற்றொரு வானவர் பள்ளத்தாக்கின் கீழிருந்தும் கத்த அம்மக்கள் யாவரும் மடிந்தனர். வெகு காலத்திற்குப்பின் அவ்வழியே சென்ற நபி, அல்லாஹ் سبحانه وتعالىٰ   விடம் அவர்களை உயிர்த்தெழுமாறு வேண்டினார். அவரின் வேண்டுதல்படி அல்லாஹ்வும் அவர்களின் எலும்புகளை சேகரித்து சதையாலும் தோலாலும்  போர்த்த அவர்கள் மீண்டும் உயிர் பெற்றனர்.

5. அல்லாஹ் எப்படி உயிர்ப்பிப்பான்?” என்று வியந்து கூறிய நபி உஸேர் (அலை) மை இறக்க வைத்து, பின் உயிர்த்தெழுமாறு செய்தான்:

ஒரு கிராமத்தின் பக்கமாகச் சென்றவரைப் போல் - (அந்த கிராமத்திலுள்ள வீடுகளின்) உச்சிகளெல்லாம் (இடிந்து, விழுந்து) பாழடைந்து கிடந்தன; (இதைப் பார்த்த அவர்) “இவ்வூர் (இவ்வாறு அழிந்து) மரித்தபின் இதனை அல்லாஹ் எப்படி உயிர்ப்பிப்பான்?” என்று (வியந்து) கூறினார்; ஆகவே, அல்லாஹ் அவரை நூறாண்டுகள் வரை இறந்து போகும்படிச் செய்தான்; பின்னர் அவரை உயிர்பெற்றெழும்படிச் செய்து, “எவ்வளவு காலம் (இந்நிலையில்) இருந்தீர்?” என்று அவரைக் கேட்டான்; அதற்கவர், “ஒரு நாள் அல்லது ஒரு நாளின் சிறு பகுதியில் (இவ்வாறு) இருந்தேன்” என்று கூறினார்; “இல்லை நீர் (இந்நிலையில்) நூறாண்டுகள் இருந்தீர்! இதோ பாரும் உம்முடைய உணவையும், உம்முடைய பானத்தையும்; (கெட்டுப் போகாமையினால்) அவை எந்த விதத்திலும் மாறுதலடையவில்லை; ஆனால் உம்முடைய கழுதையைப் பாரும்; உம்மை மனிதர்களுக்கு ஓர் அத்தாட்சியாக்குவதற்காக (இவ்வாறு மரிக்கச் செய்து உயிர் பெறச் செய்கிறோம்; இன்னும் (அக்கழுதையின்) எலும்புகளைப் பாரும்; அவற்றை நாம் எப்படிச் சேர்க்கிறோம்; பின்னர் அவற்றின்மேல் சதையைப் போர்த்துகிறோம்” எனக்கூறி (அதனை உயிர் பெறச் செய்தான்- இதுவெல்லாம்) அவருக்குத் தெளிவான போது: அவர், “நிச்சயமாக அல்லாஹ் எல்லாப் பொருள்களின் மீதும் வல்லமையுடையவன் என்பதை நான் அறிந்து கொண்டேன்” என்று கூறினார். [2:259]. 

முஜாஹித் பின் ஜாபிர் கூறுகிறார்: திருக்குர்ஆனின் 2:259 ஆயத்தில். குறிப்பிடப்பட்டவர் நபி உஜைர். நபி உஜைர் பனி இஸ்ராயில் இனத்தவர்.  அந்த கிராமம் இப்போதைய ஜெருசலம். நெபுசாத்நெஜ்ஜர் என்ற கொடுங்கோல் அரசன் அங்குள்ளவர்களை கொன்று அந்த ஊரை அழித்துவிட்டான். "(அந்த கிராமத்திலுள்ள வீடுகளின்) உச்சிகளெல்லாம் (இடிந்து, விழுந்து) பாழடைந்து கிடந்தன; (இதைப் பார்த்த அவர்) “இவ்வூர் (இவ்வாறு அழிந்து) மரித்தபின் இதனை அல்லாஹ் எப்படி உயிர்ப்பிப்பான்?” என்று (வியந்து) கூறினார். ஆகவே, அல்லாஹ் அவரை நூறாண்டுகள் வரை இறந்து போகும்படிச் செய்தான். பின்னர் அவரை உயிர்பெற்றெழும்படிச் செய்தான்." உஜைரின் இயற்கையான மரணத்திற்கு பின், அந்த இடம் எழுபது ஆண்டுகள் கழித்து மீண்டும் புதிதாக கட்டப்பட்டு அதில் மக்கள் குடியேற ஆரம்பித்தார்கள். பனி இஸ்ராயில் இனத்தவரும் மீண்டும் அவ்வூருக்கு புலம் பெயர்ந்தனர்.

6. அடைக்கலம் புகுந்த குகைத் தோழர்களை உயிர்த்தெழச் செய்தான்:

திருக்குர்ஆனின் விளக்கத்தை கூறிய அறிஞர்களின் கருத்துப்படி, அக்கால அரசன் மற்றும் தலைவர்களின் வீட்டைச் சார்ந்த சில இளைஞர்கள் ஒருவருக்கு ஒருவர் அறியாமலேயே, ஊர் மக்களின் சிலை வழிப்பாட்டிலும், பலியிடும் சடங்கிலும் கலந்து கொள்ள மனமின்றி, தனித்தனியே வந்து ஓரிடத்தில் கூடினர். கர்வம் கொண்ட கொடுங் கோலனான டாகசியஸ் என்ற மன்னன் அந்நாட்டை ஆட்சி செய்தான்.

இப்னு காதிர் தன்னுடைய குர்ஆன் விளக்கத்தில், கூறுகிறார் "அந்த நாட்டு அரசனை அவ்விளைஞர்கள் அல்லாஹ் மீது நம்பிக்கை கொள்ளுமாறு அழைத்ததாக கூறப்படுகிறது. ஆனால் அவ்வரசனோ அதை ஏற்றுக் கொள்ளாமல் அவர்களை அச்சுறுத்தி எச்சரித்தாகவும் கூறப்படுகிறது. மேலும் அவ்வரசன், அக்கால வழக்கப்படி அவர்களது ஆடம்பர ஆடைகளையும் அலங்காரங்களையும் உருவி அனுப்பிவிட்டு அன்றிரவு நன்கு யோசித்து  தங்கள் பழைய தெய்வங்கள் மீதே திரும்புமாறு கட்டளையிட்டான். இவ்வாறு அல்லாஹ் அவர்களுக்கு அந்த அரசனின் துன்புறத்தலிலிருந்து  தப்ப வழி ஏற்படுத்தி தந்தான். இவ்வாறே தன் மார்க்கத்திற்காக துன்புறுத்தும் மக்களிடமிருந்து துன்புறுத்தப்படுபவர்கள் தப்பி ஓட இஸ்லாம் மார்க்கம் பரிந்துரைக்கிறது." என்று.

ஆகவே அந்த இளைஞர்கள் தப்பி ஓடி தங்கள் செல்ல நாயோடு குகையில் அடைக்கலம் புகுந்தார்கள். அந்த இளைஞர்கள் குகையினுள் தஞ்சம் புகுந்த போது அவர்கள் “எங்கள் இறைவா! நீ உன்னிடமிருந்து எங்களுக்கு ரஹ்மத்தை அருள்வாயாக! இன்னும் நீ எங்களுக்கு எங்கள் காரியத்தை(ப் பலனுள்ள தாக)ச் சீர்திருத்தித் தருவாயாக!” என்று கூறினார்கள். [18:10].

அவர்களது இறைவன் அவர்கள் மேல் தன் கருணையை பொழிந்து அவ்விசாலமான குகையில் அவர்களை தூங்க வைத்தான். இன்னும் அவர்களிடையே ஒருவரையொருவர் கேட்டுக் கொள்வதற்காக நாம் அவர்களை இவ்வாறு எழுப்பினோம்; அவர்களிலிருந்து சொல்பவர் (ஒருவர்) “நீங்கள் எவ்வளவு நேரம் (நித்திரையில்) இருந்தீர்கள்?” எனக் கேட்டார்; “ஒரு நாள் அல்லது ஒரு நாளின் சிறிது பாகம் தங்கியிருந்தோம்” எனக் கூறினார்கள்; (மற்றவர்கள்) “நீங்கள் (நித்திரையில்) இருந்த காலத்தை உங்கள் இறைவன்தான் நன்கு அறிந்தவன்; ஆகவே, உங்களில் ஒருவரை இந்த வெள்ளிக் காசுடன் பட்டணத்திற்கு அனுப்புங்கள்; அவர்கள் சுத்தமான ஆகாரம் எது என்பதை நன்கு கவனித்து, அதிலிருந்து ஆகாரத்தை உங்களுக்காகக் கொண்டு வரட்டும்; மேலும் அவர் எச்சரிக்கையாக இருக்கட்டும்; உங்களைப் பற்றி எவருக்கும் அவர் அறிவித்து விட வேண்டாம் (என்றனர்). [18:19].

நிச்சயமாக அல்லாஹ்வின் வாக்குறுதி உண்மையானது என்றும், நிச்சயமாக கியாம நாளிலும் சந்தேகமில்லை என்றும் அப்பட்டணவாசிகள் அறிந்து கொள்வதற்காகவே, இவ்வாறு அவர்களைப் பற்றிய (விஷயத்)தை வெளியாக்கினோம். [18:21].

الحمدلله

 

 

5. Do you know how many cases of resurrection events are quoted as examples by Allah Subhanahuthala in Quran?

السلام عليكم ورحمة الله وبركاتة 

 بِسْمِ ٱللَّٰهِ ٱلرَّحْمَٰنِٱلرَّحِيمِ

Invariably the communities of all the Messengers sent by Allah Subhanahuthala were asking to their Messengers: “What! After we have died and become mere dust and bones, shall we, forsooth, be raised from the dead?" (23:62, 37:16, 56:47). Allahuthala in several places of Quran assures, “Surely, the Hour is coming, there is no doubt about it, and certainly, Allah will resurrect those who are in the graves. [22:7]. Surely, He will gather you together on the Day of Resurrection about which there is no doubt. And who is truer in statement than Allah? [4:87]”.

Apart from number of verses about resurrection, Allahuthala has also narrated several cases of Resurrection that took place in the history of mankind. They are:

1. Ibrahim (AS) asked Allahuthala to show Resurrection:

Ibrahim (AS) asked Allahuthala: “My Lord! Show me how ‘You’ give life to the dead”. Allahuthala asked: “What! And do you not believe?” Ibrahim (AS) answered: “Yes! But that my heart may be at ease.” Allahuthala said: “Then take four of the birds, then train them to follow you, then place on every mountain a part of them, then call them, they will come to you flying; and know that Allah is Mighty, Wise” (Baqara, 2:260).

Ibn Khathir’s explaination: Ibrahim (AS) trained the four birds in such a way that if he called them they will come immediately to him. Then he slaughtered them, removed the feathers, and cut them into pieces and mixed those pieces and placed on four or seven hills. Ibn Abbas said, "Ibrahim (AS) kept the heads of these birds in his hand. Next, Allah commanded Ibrahim to call the birds to him, and he did as Allah commanded him. Ibrahim witnessed the feathers, blood and flesh of these birds fly to each other, and the parts flew each to their bodies, until every bird came back to life and came walking at a fast pace towards him, so that the example that Ibrahim (AS) was witnessing would become more impressive. Each bird came to collect its head from Ibrahim's hand, and if he gave the bird another head the bird refused to accept it. When Ibrahim gave each bird its own head, the head was placed on its body by Allah's leave and power. ''

2. Allahuthala resurrected a murdered rich man to reveal the criminal, who killed him:

During the time of Musa (AS) when one man from the Bani Israel killed a man. They fell into dispute among themselves as to the murder. They went to Musa (AS) to solve the dispute and to find out who the murderer was. Allah gave instructions to Musa (AS) and he said to the people, “Verily, Allah commands you that you slaughter a cow.” They said, “Do you make fun of us?” He said, “I take Allah’s Refuge from being among the foolish.” (2:67). The Children of Israel were always stubborn and disobedient. They always mistrusted Musa (AS) and used to ask so many questions. They said, “Call upon your Lord for us that He may make plain to us what type of cow it is!” Musa (AS) said, “Allah says, ‘Verily, it is a cow neither too old nor too young, but (it is) between the two conditions’, so do what you are commanded.” (2:68). If they have obeyed Allah’s command immediately, their matter was made simple.

They said, “Call upon your Lord for us to make plain to us its colour.” He said, “He says, ‘It is a yellow cow, bright in its colour, pleasing to the beholders.’ (2:69). They said, “Call upon your Lord for us to make plain to us what it is? Verily to us all cows are alike, and surely, if Allah wills, we will be guided.”  (2:70). Then Musa (AS)] said, “He says, ‘It is a cow neither trained to till the soil nor water the fields, sound, having no other colour except bright yellow.’ They said, “Now you have brought the truth.” So they slaughtered it though they were near to not doing it. (2:71).

Allahuthala quoted this: “when you killed a man, then you disagreed with respect to that, and Allah was to bring forth that which you were going to hide. (2:72) So We said: Strike the (dead body) with part of the (Sacrificed cow), thus Allah brings the dead to life, and He shows you His signs so that you may understand.” (2:73). The Children of Israel agreed and bought the cow, paid a heavy amount because of their choice of cow that fulfilled their requirements. With the part of the slaughtered cow, they stroked it on the dead man. The dead man at once resurrected by Allah’s command and revealed his nephew as the murderer. Immediately he died again.

3. He resurrected seventy Bani Israels when they said ‘We will not believe in you until we see Allah”:

In spite of so many favours, the Children of Israel received from Allah through Musa (AS) they had been always mistrusting him. He said to them, `These Tablets have Allah's Book, containing what He commanded you and what He forbade for you.' They said, `Should we believe this statement because you said it. By Allah, we will not believe until we see Allah in the open, until He shows us Himself and says: This is My Book, therefore, adhere to it. Why does He not talk to us as He talked to you alone, O, Musa".  Allahuthala said: “So the thunderbolt overtook you while you looked on. (2:55) Then We raised you up after your death that you may give thanks.” (2:56).

As-Suddi commented, “They died with a bolt of lightning,” Musa (AS) feared that the Children of Israel would suspect him of having taken the men to a solitary place and got them slaughtered. He stood up crying and supplicating to Allah, `O Lord! What should I say to the rest of the Children of Israel when I go back to them after You destroyed the best of them, “If it had been Your will, ‘You’ could have destroyed them and me before; would You destroy us for the deeds of the foolish ones among us”

Allah granted his prayer, and gave those a new life. Allah revealed to Musa (AS) that these seventy men were among those who worshipped the golden calf. Afterwards, Allah brought them back to life.

4. Allahuthala resurrected who left their homes in many thousands in fear of death:

“Have you not considered those who left their homes in many thousands, fearing death? Allah said to them, "Die"; then He restored them to life. And Allah is the possessor of bounty for the people, but most of the people do not show gratitude.” (2:243).

Ibn Abu Hatim related that Ibn `Abbas said that these people mentioned herein, were the residents of a village called Dawardan, a village several miles away from Wasit (in Iraq). Allah سبحانه وتعالىٰ narrated this incidence when people were to be called for Jihadh. Death is certain. No caution avert death. There is no refuge from Allah, for death in this world, as we go to Allah Himself.

There were about four thousand persons from the Children of Israel departed from their land fearing death by plague. First they went to a forest. And then went to a fertile valley. They came there to live a long and happy life. They lived luxuriously with the favours given by Allah. But they forgot their past and not thankful for the favours of Allah.

When they came to a new place and seeing them ungrateful, Allah commanded them “To die”. He sent two angels, one from above the valley and another from below the valley. They just made a single shout. They all died instantaneously. Their body became rotten and disintegrated. Their bones were scattered. Then a Prophet from the Children of Israel came there saw their destruction and prayed to Allah, to bring back their life. Allah accepted his prayer and commanded to the bones to come together, then to cover with nerves, flesh and skin and lastly He commanded the souls to return to their body. Allah has brought them back to their life after long time. Allah showed His capacity of resurrection, a great sign and a clear evidence.

5. Allahuthala resurrected Nabi Uzair after 100 years of his death:

“Or the like of him who passed by a town, and it had fallen down upon its roofs; he said: When will Allah give it life after its death? So Allah caused him to die for a hundred years, then raised him to life. Allah asked: How long have you tarried? He said: I have tarried a day, or a part of a day. Said Allah: Nay! you have tarried a hundred years; then look at your food and drink -- years have not passed over it; and look at your ass; and that We may make you a sign to men, and look at the bones, how We set them together, then clothed them with flesh; so when it became clear to him, he said: I know that Allah has power over all things.’ [Al-Baqara, 2:259]

“Mujahid bin Jabir said that the person meant in this ayath 2:259 is Nabi Uzayr. He is a man from the Children of Israel, and the village was Jerusalem. After Nebuchadnezzar destroyed it and killed its people, it became empty of people. The roofs and walls of the village houses fell to the ground. Uzayr stood contemplating about what had happened to that city, after a great civilization used to inhabit it. He said, "Oh! How will Allah ever bring it to life after its death." Because of the utter destruction he saw and the implausibility of its returning to what it used to be. So Allah caused him to die for a hundred years, then raised him up again. The city was rebuilt 70 years after Uzayr died naturally, and its inhabitants increased and the Children of Israel moved back to it.

6. Resurrected the dwellers of cave:

There were several youths, who were totally strangers, from the families of kings and leaders, gathered without participating in the city’s festival. They totally dislike the idol worship and animal sacrifice to their false Gods, during that festival. King Decacias was their ruler. Ibn Kathir in his tafsir says: “It was said that when they called their king to believe in Allah, he refused, and warned and threatened them. He commanded them to be stripped of their clothing bearing the adornments of their people, then he gave them some time to think about the situation, hoping that they would return to their former religion. This was a way that Allah showed kindness for them, because during that time they managed to escape from him and flee from persecution for the sake of their religion.”

Those young men fled, taking refuge in the cave and prayed, "Our Lord, grant us from Yourself mercy and prepare for us from our affair right guidance."[18:10] Their Lord extended His mercy on them and accommodated them in a spacious cave along with their dog (18:16). They slept there for years.

Then,” Allahuthala awakened them (from their long deep sleep) that they might question one another. A speaker from among them said: "How long have you stayed (here)?" They said: "We have stayed (perhaps) a day or part of a day." They said: "Your Lord (Alone) knows best how long you have stayed (here). So send one of you with this silver coin of yours to the town, and let him find out which is the good lawful food, and bring some of that to you. And let him be careful and let no man know of you.’ [18 -19]. “That is how We caused them to be discovered so that their people might know that Allah’s promise of resurrection is true and that there is no doubt about the Hour.” [18:21]

الحمدلله

 

4. உங்களுக்கு தெரியுமா அல்லாஹ் சுபஹானஹீதாலா திருக்குர்ஆனில், நம்பிக்கை கொண்டு, நற்கருமங்களைச் செய்கின்றவர்கள் [الَّذِينَ آمَنُوا وَعَمِلُوا الصَّالِحَاتِ] தாம் படைப்புகளில் மிக மேலானவர்கள் என கூறுகின்றான் என்று?

السلام عليكم ورحمة الله وبركاتة 

بِسْمِ ٱللَّٰهِ ٱلرَّحْمَٰنِٱلرَّحِيمِ

அல்லாஹ் கூறுகின்றான்:  நிச்சயமாக, எவர்கள் ஈமான் கொண்டு, நல்ல அமல்கள் செய்கிறார்களோ, அவர்கள் தாம் படைப்புகளில் மிக மேலானவர்கள். [98:7].

அவர்கள் ஒப்பற்றவர்கள்:

[40:58] குருடரும், பார்வையுடையோரும் சமமாகார்; அவ்வாறே, ஈமான் கொண்டு நல்ல அமல்கள் செய்வோரும், தீயோரும் சமமாக மாட்டார்கள்;

[38:28] அல்லது ஈமான் கொண்டு நல்லமல்கள் செய்வோரை பூமியில் குழப்பம் செய்வோரைப்போல் நாம் ஆக்கிவிடுவோமா? அல்லது, பயபக்தியுடையோரைப் பாவிகளைப் போல் நாம் ஆக்கிவிடுவோமா?

[45:21] எவர்கள் தீமைகள் செய்கிறார்களோ அவர்களை, எவர்கள் ஈமான் கொண்டு நல்ல அமல்கள் செய்கிறார்களோ அவர்களுக்குச் சமமாக நாம் ஆக்கிவிடுவோம் என்று எண்ணுகின்றார்களா? அவர்கள் உயிருடனிருப்பதும், மரணமடைவதும் சமமாகுமா? அவர்கள் முடிவு செய்து கொண்டது மிகவும் கெட்டதாகும். உங்களில் சொற்பமானவர்களே (இதைக் கொண்டு) நல்லுபதேசம் பெறுகிறீர்கள்.

அல்லாஹீதாலா அவர்களின் பாவங்களை மன்னித்து, அவர்களை நல்லவர்களாக்கி, நேர்வழிகாட்டி, மகத்தான கூலியையும் நல்குவான்:

[33:44] எவர் ஸாலிஹான (நல்ல) அமல்களைச் செய்கின்றாரோ அவர்கள் தங்களுக்கே நன்மையைச் சித்தப்படுத்திக் கொள்கிறார்கள்.

[33:70] ஈமான் கொண்டவர்களே! நீங்கள் அல்லாஹ்வுக்கு அஞ்சுங்கள்; (எந்நிலையிலும்) நேர்மையான சொல்லையே சொல்லுங்கள்.  [33:71] (அவ்வாறு செய்வீர்களாயின்) அவன் உங்களுடைய காரியங்களை உங்களுக்குச் சீராக்கி நற்கருமங்களை செய்ய வைப்பான்; உங்கள் பாவங்களை உங்களுக்கு மன்னிப்பான்; அன்றியும் அல்லாஹ்வுக்கும் அவன் தூதருக்கும் எவர் வழிப்படுகிறாரோ, அவர் மகத்தான வெற்றி கொண்டு விட்டார்.

[25:70] எவர் தவ்பா செய்து ஈமானுங் கொண்டு, நற் செய்கைகள் செய்கிறார்களோ - அவர்களுடைய பாவங்களை அல்லாஹ் நன்மையாக மாற்றிவிடுவான். மேலும், அல்லாஹ் மிக்க மன்னிப்போனாகவும், மிக்க கிருபையுடையோனாகவும் இருக்கின்றான்.

[25:71] இன்னும், எவர் தவ்பா செய்து ஸாலிஹான (நற்) செய்கைகள் செய்கின்றாரோ, அவர் நிச்சயமாக அல்லாஹ்விடம் பாவ மன்னிப்புத் தேடியவராவார்.

[5:93] ஈமான் கொண்டு, நற்கருமங்கள் செய்பவர்கள் (எதிர்காலத்தில்) தங்களைப் (பாவத்திலிருந்து) காத்துக் கொண்டும், ஈமான் கொண்டும், மேலும் நற்கருமங்கள் செய்து கொண்டும், (விலக்கப்பட்டவற்றை விட்டுத்) தங்களைப் பாதுகாத்துக் கொண்டு, ஈமானில் உறுதியாக இருந்து கொண்டும், மேலும் (அல்லாஹ்வுக்கு) அஞ்சியவர்களாக அழகிய நன்மைகளைச் செய்து வருவார்களானால், சென்ற காலத்தில் (இவ்விதிமுறைகள் வருமுன்) தடுக்கப்பட்டவற்றை அவர்கள் புசித்து விட்டது குறித்து அவர்கள் மீது குற்றம் ஏற்படாது; நன்மை செய்கிறவர்களையே அல்லாஹ் நேசிக்கிறான்.

[47:2] ஆனால், எவர்கள் ஈமான் கொண்டு, ஸாலிஹான (நல்ல) அமல்கள் செய்து, முஹம்மது (ஸல்) மீது இறக்கி அருளப்பட்ட (வேதத்)தின் மீது - இது அவர்களுடைய இறைவனிடமிருந்து (வந்து)ள்ள உண்மையாக இருக்கிறது என்று நம்பிக்கை கொள்கிறார்களோ, அவர்களுடைய தீமைகளை அவர்களை விட்டும் போக்கி, அவர்களுடைய நிலையையும் சீராக்குகின்றான்.

[48:29] முஹம்மது (ஸல்) அவருடன் இருப்பவர்களில் எவர்கள் ஈமான் கொண்டு ஸாலிஹான (நல்ல) அமல்கள் செய்கிறார்களோ அவர்களுக்கு அல்லாஹ் மன்னிப்பையும், மகத்தான கூலியையும் வாக்களிக்கின்றான்.

[28:84] எவரேனும் நன்மையைக் கொண்டு வந்தால் அவருக்கு அதைவிட மேலானது உண்டு; எவன் தீமையை செய்கிறானோ தீமை செய்வோர் அவர்கள் செய்ததற்குச் சமமான கூலியைப் பெறுவார்கள்.

[30:44] எவர் ஸாலிஹான (நல்ல) அமல்களைச் செய்கின்றாரோ அவர்கள் தங்களுக்கே நன்மையைச் சித்தப்படுத்திக் கொள்கிறார்கள்.

[65:11] அன்றியும், ஒரு தூதரையும் அல்லாஹ் (அனுப்பி வைத்தான்); அவர் அல்லாஹ்வுடைய தெளிவான வசனங்களை உங்களுக்கு ஓதிக் காண்பிக்கிறார்; ஈமான் கொண்டு ஸாலிஹான (நல்ல) அமல்கள் செய்பவர்களை இருள்களிலிருந்து, ஒளியின் பக்கம் கொண்டு வருவதற்காக.

[42:26] அன்றியும் ஈமான் கொண்டு நல்ல அமல் செய்பவர் (களின் பிரார்த்தனை) களையும் ஏற்று அவர்களுக்குத் தன் அருளை அதிகப் படுத்துகிறான்; மேலும் அல்லாஹ் அவர்களுக்குத் திடமாக உணவை அழகாக்கினான்.

[30:45] ஈமான் கொண்டு ஸாலிஹான (நல்ல) அமல்கள் செய்தவர்களுக்கே அவன் தன் அருளிலிருந்து (நற்) கூலி கொடுக்கிறான்; நிச்சயமாக அல்லாஹ் காஃபிர்களை நேசிக்கமாட்டான்.

[4:146] யார் மன்னிப்புக் கேட்டு சீர்திருந்தி, அல்லாஹ்வை (தம் நற்செய்கைகள் மூலம்) கெட்டியாகப் பிடித்து, தங்களுடைய சன்மார்க்கத்தை அல்லாஹ்வுக்காகத் தூய்மையாக்கியும் கொண்டார்களோ அவர்கள் முஃமின்களுடன் இருப்பார்கள்; மேலும் அல்லாஹ் முஃமின்களுக்கு மகத்தான நற்கூலியை அளிப்பான்.

[3:57] ஆனால், எவர் ஈமான் கொண்டு நற்கருமங்களும் செய்கிறார்களோ, அவர்களுக்குரிய

[103:3] ஆயினும், எவர்கள் ஈமான் கொண்டு ஸாலிஹான (நல்ல) அமல்கள் செய்து, சத்தியத்தைக் கொண்டு ஒருவருக்கொருவர் உபதேசம் செய்து, மேலும் பொறுமையைக் கொண்டும் உபதேசிக்கிறார்களோ அவர்கள் (நஷ்டத்திலில்லை).

[4:16] உங்களில் விபச்சாரத்தை செய்துவிடக்கூடிய இருவருக்கும் தண்டனை கொடுங்கள்; அவ்விருவரும் (தாம் செய்த குற்றத்தை நினைத்து வருந்தி) தவ்பா செய்து நற்கருமங்களை செய்து தங்களை திருத்திக் கொண்டால், அவர்களை விட்டு விடுங்கள் - நிச்சயமாக அல்லாஹ் மன்னிப்போனும் கிருபையுடையோனுமாக இருக்கின்றான்.

ஒருவருக்கொருவர் உபதேசிக்கிறார்களோ அவர்கள் நஷ்டத்திலில்லை.

[11:11] துன்பங்களைப் பொறுமையுடன் சகித்து எவர் நற்கருமங்கள் செய்கின்றார்களோ, அவர்களுக்கு மன்னிப்பும், மகத்தான நற்கூலியும் உண்டு.

[28:80] கல்வி ஞானம் பெற்றவர்கள் கூறினார்கள் “உங்களுக்கென்ன கேடு! ஈமான் கொண்டு, நல்ல அமல்களை செய்பவர்களுக்கு அல்லாஹ் அளிக்கும் வெகுமதி இதைவிட மேன்மையானது; எனினும், அதைப் பொறுமையாளரைத் தவிர, (வேறு) எவரும் அடைய மாட்டார்கள்” என்று.

[29:7] அவர்களுடைய தீங்குகளை அவர்களை விட்டும் நிச்சயமாக நீக்கி விடுவோம்; இன்னும், அவர்கள் செய்த நன்மைகளுக்கு அவற்றைவிட மிக்க அழகான கூலியை, நிச்சயமாக நாம் அவர்களுக்கு கொடுப்போம்.

[22:50] “எனவே, எவர்கள் ஈமான் கொண்டு (ஸாலிஹான) - நல்ல - செயல்களைச் செய்கிறார்களோ அவர்களுக்கு மன்னிப்பும், கண்ணியமான உணவும் உண்டு.

ஆட்சி அதிகாரத்தை கூலியாக கொடுப்பான்:

[24:55] உங்களில் எவர் ஈமான் கொண்டு (ஸாலிஹான) - நற்செயல்கள் புரிகிறார்களோ அவர்களை, அவர்களுக்கு முன்னிருந்தோரை (ப் பூமிக்கு) ஆட்சியாளர்களாக்கியது போல், பூமிக்கு நிச்சயமாக ஆட்சியாளர் களாக்கி வைப்பதாகவும், இன்னும் அவன் அவர்களுக்காக பொருந்திக் கொண்ட மார்க்கத்தில் அவர்களை நிச்சயமாக நிலைப்படுத்து வதாகவும், அவர்களு டைய அச்சத்தைத் திட்டமாக அமைதியைக் கொண்டு மாற்றி விடுவதாகவும், அல்லாஹ் வாக்களித்திருக்கிறான்; நற்கூலிகளை (அல்லாஹ்) முழுமையாகக் கொடுப்பான்;

சுவனத்தை கூலியாக கொடுப்பான்:

[2:62] ஈமான் கொண்டவர்களாயினும், யூதர்களாயினும், கிறிஸ்தவர் களாயினும், ஸாபியீன்களாயினும் நிச்சயமாக எவர் அல்லாஹ்வின் மீதும், இறுதி நாள் மீதும் நம்பிக்கை கொண்டு நல்ல அமல்கள் செய்கிறார்களோ அவர்களின் நற்கூலி (சுவர்க்கப் பூங்கா) நிச்சயமாக அவர்களுடைய இறைவனிடம் இருக்கிறது; மேலும், அவர்களுக்கு யாதொரு பயமும் இல்லை; அவர்கள் துக்கப்படவும் மாட்டார்கள்.

[29:9] அன்றியும் எவர் ஈமான் கொண்டு, நற்கருமங்களைச் செய்கிறார்களோ அவர்களை நல்லடியார்களுடன் நிச்சயமாக நாம் சேர்த்து விடுவோம்.

[42:22] ஆனால் எவர் ஈமான் கொண்டு ஸாலிஹான (நல்ல) அமல்கள் செய்கிறார்களோ அவர்கள் சுவர்க்கப் பூங்காவனங்களில் இருப்பார்கள்; அவர்கள் விரும்பியது அவர்களுடைய இறைவனிடம் கிடைக்கும். அதுவே பெரும் பாக்கியமாகும்.

[2:25 & 41:8] அவற்றில் அவர்கள் நிரந்தரமாக வாழ்வார்கள். (இவ்வாறாக நற்) செயல்கள் புரிவோரின் கூலியும் பாக்கியம் மிக்கதாகவே உள்ளது.

[29:58] சுவனபதியிலுள்ள உயர்ந்த மாளிகைகளில், நிச்சயமாக நாம் அமர்த்துவோம். இன்னும் அவர்களுக்கு அங்கு தூய துணைவியரும் உண்டு;

[11:23 & 2: 82] நிச்சயமாக எவர்கள் நம்பிக்கைக் கொண்டு நற்கருமங்கள் செய்து இன்னும் தங்கள் இறைவனுக்கு முற்றிலும் அடிபணிகின்றார்களோ அவர்களே சுவனபதிக்குரியவர்கள்; அங்கு அவர்கள் என்றென்றும் நிலைத்திருப்பார்கள்.

[84:25] எவர்கள் ஈமான்கொண்டு, ஸாலிஹான (நல்ல) அமல்கள் செய்கிறார்களோ அவர்களுக்கு முடிவேயில்லாத நற்கூலி உண்டு.

[22:14; 31:8 & 47:12] நிச்சயமாக, அல்லாஹ் ஈமான் கொண்டு (ஸாலிஹான) - நற்செயல் செய்பவர்களை சுவனபதிகளில் பிரவேசிக்கச் செய்கிறான்; அவற்றின் கீழே ஆறுகள் ஓடிக் கொண்டிருக்கும் - நிச்சயமாக அல்லாஹ், தான் நாடுவதைச் செய்கிறான்.

[85:11] அவர்களுக்கு அதுவே மாபெரும் பாக்கியமாகும்.

[32:19] எவர்கள் ஈமான் கொண்டு ஸாலிஹான (நல்ல) அமல்களைச் செய்கிறார்களோ அவர்களுக்கு அவர்கள் செய்யும் (நற்)கருமங்களின் காரணமாக சுவனபதிகள் தங்குமிடங்களாகி (அங்கு அவர்கள்) விருந்தினராய் (உபசரிக்கப்படுவார்கள்).

[22:23] அங்கே பொன்னாலான கடகங்களிலிருந்தும், முத்திலிருந்தும் ஆபரணங்கள் அணிவிக்கப்படுவார்கள்; அங்கு அவர்களுடைய ஆடைகளும் பட்டாக இருக்கும்.

[2:25] அவர்களுக்கு உண்ண அங்கிருந்து ஏதாவது கனி கொடுக்கப்படும் போதெல்லாம் “இதுவே முன்னரும் நமக்கு (உலகில்) கொடுக்கப் பட்டிருக்கிறது” என்று கூறுவார்கள்; ஆனால் (தோற்றத்தில்) இது போன்றதுதான் (அவர்களுக்கு உலகத்தில்) கொடுக்கப்பட்டிருந்தன; இன்னும் அவர்களுக்கு அங்கு தூய துணைவியரும் உண்டு; மேலும் அவர்கள் அங்கே நிரந்தரமாக வாழ்வார்கள்.

நன்மைகள் செய்யாத இறைமறுப்பாளர்களின் நிலை:

[32:12] மேலும், தம் இறைவன் முன் தலைகுனிந்தவர்களாய், “எங்கள் இறைவா! நாங்கள் (இப்பொழுது) பார்த்துக் கொண்டோம், கேட்டும் கொண்டோம் - ஆகவே, நீ (உலகுக்கு) எங்களைத் திருப்பி அனுப்பிவை; நாங்கள் நற்கருமங்களையே செய்வோம். நிச்சயமாய் நாங்கள் (நம்பிக்கையில்) உறுதியுள்ளவர்களாக ஆகிவிடுவோம்”

[35:36] எவர்கள் நிராகரித்தார்களோ, அவர்களுக்கு நரக நெருப்புத் தானிருக்கிறது; அவர்கள் மரித்துப் போகும்படியாக அவர்களுடைய காரியம் முடிவு செய்யப்பட மாட்டாது; அன்றியும் அந்(நரகத்)திலுள்ள வேதனை அவர்களுக்கு இலேசாக்கப்படவும் மாட்டாது;

[35:37] இன்னும் அ(ந்நரகத்)தில் அவர்கள்: “எங்கள் இறைவா! நீ எங்களை (இதை விட்டு) வெளியேற்றுவாயாக! நாங்கள் வழக்கமாகச் செய்து கொண்டிருந்த (தீய)வற்றை விட்டும் ஸாலிஹான (நல்ல) அமல்களை செய்வோம்” என்று கூறிக் கதறுவார்கள். (அதற்கு அல்லாஹ்) “சிந்தித்துப் பார்க்கக் கூடியவன் அதில் சிந்திக்கும் பொருட்டு, நாம் உங்களுக்கு நீண்ட ஆயுளைக் கொடுக்கவில்லையா? உங்களிடம் அச்சமூட்டி எச்சரிப்பவரும் வந்திருந்தார்; ஆகவே நீங்கள் (செய்த அநியாயத்தின் பயனைச்) சுவையுங்கள்; ஏனென்றால் அநியாயக்காரர்களுக்கு உதவியாளர் எவருமில்லை” (என்று கூறுவான்).

ஆகையால் விசுவாசிகளுக்கு அல்லாஹீதாலா கட்டளையிடுகிறான்:

[5:105] ஈமான் கொண்டவர்களே! (வழி தவறிவிடாமல் நீங்களே) உங்களைப் பாதுகாத்துக் கொள்ளுங்கள்; நீங்கள் நேர்வழியைப் பின்பற்றுவீர்களானால், வழி தவறியவர்கள் உங்களுக்கு ஒரு தீங்கும் செய்ய முடியாது. அல்லாஹ்வின் பக்கமே நீங்கள் அனைவரும் மீள வேண்டியிருக்கின்றது; நீங்கள் செய்து கொண்டிருந்தவற்றையெல்லாம், அப்போது அவன் உங்களுக்கு உணர்த்துவான்.

பிரார்த்தனை:

[27:19] சுலைமான் (அலை), “என் இறைவா! நீ என் மீதும், என் பெற்றோர் மீதும் புரிந்துள்ள உன் அருட்கொடைகளுக்காக, நான் நன்றி செலுத்தவும், நீ பொருந்திக் கொள்ளும் விதத்தில் நான் ஸாலிஹான நல்ல அமல்களைச் செய்யவும், எனக்கு அருள் செய்வாயாக! இன்னும் உம் கிருபையைக் கொண்டு என்னை உன்னுடைய நல்லடியார்களில் சேர்த்தருள்வாயாக!” என்று பிரார்த்தித்தார்.

[46:15] மனிதன் வாலிபமாகி, நாற்பது வயதை அடைந்ததும்: “இறைவனே! நீ என் மீதும், என் பெற்றோர் மீதும் புரிந்த நிஃமத்துக்காக, (அருள் கொடைகளுக்காக) நன்றி செலுத்தவும், உன்னுடைய திருப்தியை அடையக் கூடிய ஸாலிஹான நல்ல அமல்களைச் செய்யவும் எனக்கு அருள் பாலிப்பாயாக! (இதில் எனக்கு உதவுவதற்காக) என்னுடைய சந்ததியையும் ஸாலிஹானவர்களாக சீர்படுத்தியருள்வாயாக! நிச்சயமாக நான் உன்பக்கமே திரும்புகிறேன்; அன்றியும், நான் முஸ்லிம்களில் உனக்கு முற்றிலும் வழிப்பட்டவனாக இருக்கின்றேன்” என்று கூறுவான்.

ஓ அல்லாஹ்! திடமான  நம்பிக்கை கொண்டும், நற்கருமங்களைச் செய்தும், நாங்கள் படைப்புகளில் மிக மேலானவர்களாக எங்களை ஆக்குவாயாக! ஆமீன்!

الحمدلله